• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ماں مجھ کو بستہ دے دے

MD
میگزین ڈیسک
میگزینز
بچوں کا جنگ
31 جولائی ، 2021
ماں مجھ کو بستہ دے دے

امجد اسلام امجد

ماں مجھ کو بستہ دے دے

دنیا مجھ کو رستہ دے دے

جانا ہے اسکول مجھے تو جانا ہے اسکول

جان سکوں کہ اچھا کیا ہے

کھرا ہے کیوں کر کھوٹا کیا ہے

حق اور فرض میں فرق ہے کتنا

سچ اور جھوٹ کا جھگڑا کیا ہے

ماں مجھ کو بستہ دے دے

دنیا مجھ کو رستہ دے دے

جانا ہے اسکول مجھے تو جانا ہے اسکول

آگ ہوا پانی اور مٹی

تارے کیوں ہیں کیا یہ زمیں ہے

ہم ہیں کیوں یہ دنیا کیا ہے

حرف ہی سب رازوں کا امیں ہے

ماں مجھ کو بستہ دے دے

دنیا مجھ کو رستہ دے دے

جانا ہے اسکول مجھے تو جانا ہے اسکول

تازہ ترین