-
فرمان الہی
-
نماز کے اوقات
- جمعرات 9؍شوال المکرم 1445ھ18؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان شوبز انڈسٹری کے معروف اداکار سمیع خان نے کہا ہے کہ اُنہیں سابقہ اداکارہ سارہ چوہدری کے ساتھ شادی نہ ہونے پر کوئی افسوس نہیں ہے۔
حال ہی میں سمیع خان اپنی ساتھی اداکارہ کنزیٰ ہاشمی کے ہمراہ ایک نجی ٹی وی چینل کے پروگرام میں بطورِ مہمان شریک ہوئے جہاں اُنہوں نے اپنے کیرئیر اور اپنی نجی زندگی کے حوالے سے گفتگو کی۔
گفتگو کے دوران پروگرام کے میزبان نے اداکار سمیع خان سے سوال کیا کہ ’ماضی میں ایک وقت ایسا بھی آیا تھا کہ جب آپ سارہ چوہدری کے ساتھ شادی کرنا چاہتے تھے جوکہ نہیں ہوسکی، کیا آپ کو اس بات کا افسوس ہے؟‘
میزبان کے سوال کا جواب دیتے ہوئے سمیع خان نے کہا کہ ’نہیں! مجھے اس بات کا کوئی افسوس نہیں ہے کیونکہ میرا ماننا یہ ہے کہ جو ہوتا ہے وہ ہماری بہتری کے لیے ہی ہوتا ہے لہٰذا مجھے کوئی دُکھ نہیں۔‘
واضح رہے کہ ماضی میں سمیع خان اور سابقہ اداکارہ سارہ چوہدری کی گہری دوستی اور منگنی کی خبریں سامنے آئی تھیں تاہم دونوں نے شادی کرنے کے بجائے ایک دوسرے سے راہیں جُدا کرلی تھیں۔
دوسری جانب سارہ چوہدری ماضی میں پاکستان شوبز انڈسٹری کی معروف اداکارہ تھیں اور پھر انہوں نے اسلام کی خاطر شوبز انڈسٹری کو خیر باد کہہ دیا تھا۔ جیو انٹرٹینمنٹ پر اُن کا مقبول ترین ڈراما ’تیرے پہلو میں‘ تھا۔
