• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور: نشہ نہ ملنے پر نشئی نے ماں اور بھانجی کو قتل کر دیا


پشاور میں نشے کے عادی بیٹے نے نشے کے لیے پیسے نہ دینے پر اپنی ماں اور بھانجی کو چھریوں کے وارکر کے قتل کر دیا۔

پشاور پولیس کے مطابق پشاور کے علاقے متنی اضاخیل میں نوجوان نے اپنی والدہ سے نشے کے لیے پیسے مانگے۔

پیسے نہ ملنے پر نشئی بیٹے نے اپنی والدہ اور موقع پر موجود بھانجی پر چھریوں سے حملہ کر کے انہیں قتل کر دیا۔

پولیس کے مطابق ملزم نے خود کو بھی شدید زخمی کر دیا ہے۔

پولیس کا کہنا ہے کہ نوجوان نشے کا عادی ہے جو بیوی کو بھی طلاق دے چکا ہے۔

پولیس نے ملزم کو گرفتار کر کے طبی امداد کے لیے اسپتال منتقل کر دیا ہے جبکہ واقعے کا مقدمہ درج کر کے تفتیش شروع کر دی۔

قومی خبریں سے مزید