نور بخاری بھی صدف کنول کا ساتھ دینے میدان میں آگئیں

04 اگست ، 2021

پاکستان شوبز انڈسٹری کی سابقہ اداکارہ نور بخاری نے ماڈل صدف کنول کے شوہر سے متعلق دیے گئے بیان پر اُن کی حمایت کردی۔

نور بخاری نے اپنے انسٹاگرام اکاؤنٹ پر خصوصی اسٹوری شیئر کی جس میں اُنہوں نے صدف کنول کے بیان پر اُن کا بھرپور انداز میں ساتھ دیا۔

اُنہوں نے اپنی انسٹاگرام اسٹوری میں کہا کہ ’صدف کنول نے اپنے بیان میں وہ سب کہا جو ہمیں ہمارا دین سِکھاتا ہے۔‘

نور بخاری نے کہا کہ ’بدقسمتی سے دین سے دوری اور جدید دور کی وجہ سے ہم اللّہ تعالیٰ کے احکامات پر اُتر نہیں سکے۔‘

اُن کا مزید کہنا تھا کہ ’اللّہ تعالیٰ نے مرد کو افضل بنایا ہے بس بات ختم۔‘

واضح رہے کہ صدف کنول نے کہا تھا کہ میرا ماننا ہے کہ آپ اپنے شوہر کو شوہر سمجھیں اور شوہر کا درجہ اوپر ہونا چاہیئے کیوں کہ وہ آدمی ہے، بیوی کو کھلاتا ہے، بچوں کو سنبھالتا ہے، میں بھی اگرچہ کام کرتی ہوں لیکن شوہر کے مقابلے میں نہیں آسکتی۔

صدف کنول نے کہا تھا کہ بیوی ہونے کے ناتے مجھے شہروز کی ہر پسند ناپسند کا پتہ ہونا چاہیئے، اب بہت فیمینسٹ اور لبرلز آگئے ہیں جنہوں نے اس خیال کو تبدیل کیا ہے لیکن میرے خیال میں فیمینزم یہی ہے کہ میں اپنے شوہر کا خیال رکھوں۔

تازہ ترین