نواز شریف کے پاس کوئی مستند سفری دستاویز موجود نہیں، ذرائع

سابق وزیر اعظم نوازشریف کے پاس کوئی مستند سفری دستاویز موجود نہیں ہیں، نوازشریف کے پاسپورٹ کی مدت 16 فروری2021 کو ختم ہوچکی ہے۔

ذرائع کا کہنا ہے کہ نوازشریف کے پاس سابق وزیراعظم کی حیثیت سے سفارتی پاسپورٹ تھا، نواز شریف کے سفارتی پاسپورٹ کا نمبر بی 512363 ہے۔

لندن: نواز شریف کے ویزا کی مدت ختم، توسیع کی درخواست بھی مسترد

اس حوالے سے ذرائع نے بتایا کہ نواز شریف نے برطانوی حکام کو ویزے میں توسیع کی درخواست دی تھی۔

ذرائع کا کہنا ہے کہ وفاقی حکومت نے نواز شریف کے پاسپورٹ کی تاحال تجدید نہیں کی، نوازشریف برطانیہ میں ویزا کے لیے اپیل مسترد ہونے پر ممکنہ طور پر برطانوی عدالتوں سے  رجوع کریں گے۔

ذرائع کا کہنا ہے کہ عدالتوں نے بھی نواز شریف کےخلاف فیصلہ دیا تو انہیں پاکستان ڈی پورٹ کیا جا سکتا ہے۔

16فروری سےنواز شریف کا پاسپورٹ ختم ہوچکا ہے، وہ ہمارے شہری نہیں ہیں،شیخ رشید

شیخ رشید نے کہا کہ نواز شریف کو واپس لانے کی کوشش بہت عرصے سے کررہے ہیں، لیکن لا نہیں پا رہے۔

ذرائع کا کہنا ہے کہ نوازشریف دعوت کی صورت میں کسی دوسرے ملک جاسکتے ہیں۔