فرمان الہی
نماز کے اوقات
لاہور کے علاقے فیروز والا میں محکمۂ انسدادِ دہشت گردی (سی ٹی ڈی) نے خفیہ اطلاع پر آپریشن کیا ہے جس کے دوران 3 دہشت گرد ہلاک ہوئے ہیں۔
سی ٹی ڈی کے ترجمان کے مطابق دہشت گرد فیروز والا میں کرائے کے مکان میں رہائش پذیر تھے، جو حساس اداروں اور سیکیورٹی فورسز پر حملے کی منصوبہ بندی کر رہے تھے۔
ترجمان سی ٹی ڈی کا کہنا ہے کہ دہشت گردوں نے اہم شخصیات کو ٹارگٹ کرنا تھا۔
ہلاک دہشت گردوں کے قبضے سے خودکش جیکٹ، 3 ہینڈ گرنیڈ، 2 کلاشنکوف و دیگر بارودی مواد برآمد ہوا ہے۔
ہلاک ہونے والے تینوں دہشت گردوں کا تعلق افغانستان سے ہے، جن کے خلاف سی ٹی ڈٹی نے خفیہ اطلاح پر چھاپہ مارا، دہشت گردوں نے سی ٹی ڈی فورس پر فائرنگ کر دی۔
ترجمان سی ٹی ڈی نے یہ بھی بتایا کہ دہشت گردوں اور سی ٹی ڈی کے مابین فائرنگ کا تبادلہ ہوا، جوابی فائرنگ میں 3 دہشت گرد مارے گئے۔
