آج میں اپنے والد کی پارٹی میں جارہا ہوں، ثنا اللّٰہ زہری

سابق وزیراعلیٰ بلوچستان نواب ثنا اللّٰہ زہری نے پیپلز پارٹی میں شمولیت کا اعلان کرتے ہوئے کہا کہ آج میں اپنے والد کی پارٹی میں جارہا ہوں۔

کوئٹہ میں پیپلز پارٹی کے جلسے سے خطاب میں ثنا اللّٰہ زہری نے کہا کہ ہم نے نواز شریف سے کہا تھا کہ ہمیں پنجاب سے کچھ نہیں صرف عزت چاہیے۔

انہوں نے کہا کہ ہم انگریزوں کے دور سے سر کٹاتے آئے ہیں، سر نہیں جھکایا، نواز شریف نے ہمیں بےعزت کیا، ن لیگی قائد میں وفا نہیں۔

بلوچستان میں جیالا وزیراعلیٰ منتخب کرکے دکھائیں گے، بلاول بھٹو

پیپلز پارٹی کے چیئرمین بلاول بھٹو زرداری نے اعلان کیا ہے کہ وہ بلوچستان میں جیالا وزیراعلیٰ منتخب کرکے دکھائیں گے۔

سابق وزیراعلیٰ بلوچستان نے مزید کہا کہ بلاول بھٹو زرداری، شہید ذوالفقار بھٹو کے نواسے ہیں، توقع ہے جو نواز شریف نے ہمارے ساتھ کیا وہ آپ نہیں کریں گے۔

ن لیگ، پی ٹی آئی کے پاس بلوچستان میں قد آور شخصیت نہیں، عبدالقادر بلوچ

سابق گورنر بلوچستان عبدالقادر بلوچ نے پاکستان پیپلز پارٹی (پی پی پی) میں باقاعدہ شمولیت کا اعلان کردیاہے۔

اُن کا کہنا تھا کہ میں اور بلاول بھٹو شہیدوں کے وارث ہیں، آج سے میں پیپلز پارٹی کا باقاعدہ حصہ ہوں، ایک ورکر کی حیثیت سے پی پی کے لیے کام کروں گا۔

نواب ثنا اللّٰہ زہری نے یہ بھی کہا کہ پیپلز پارٹی میری شہید بہن بےنظیر کی پارٹی ہے، جتنی قربانیاں ن لیگ کے لیے دیں، اس سے زیادہ پی پی کے لیے دوں گا۔

بلاول بھٹو اور عبدالقادر بلوچ میں دلچسپ جملوں کا تبادلہ

بلوچستان کے جلسے کے دوران بلاول بھٹو زرداری اور عبدالقادر بلوچ کے درمیان دلچسپ جملوں کا تبادلہ ہوا ۔

انہوں نے کہا کہ خون پسینا بہاکر پیپلز پارٹی کے لیے کام کروں گا، ہماری خواہش ہے کہ مستقبل کا وزیراعظم بلاول بھٹو بنے۔

سابق وزیراعلیٰ بلوچستان نے کہا کہ میرے والد نے ذوالفقار علی بھٹو کے ساتھ مل کر کام کیا، آج میں اپنے والد کی پارٹی میں جارہا ہوں۔