فرمان الہی
نماز کے اوقات
کراچی (ٹی وی رپورٹ)ماہرقانون اور پیپلز پارٹی کے رہنما اعتزاز احسن نے کہا ہے کہ شریف خاندان کا اسٹیک صرف اپنے اثاثوں میں ہے، نوازشریف نے باہر سے آنا خود اپنے لئے دشوار کرلیا ہے۔ نوازشریف ، شہباز شریف گڈ کاپ بیڈ کاپ کھیلتے ہیں آپ نے اسٹبلشمنٹ سے اچھے برے معاملات جو رکھنے ہیں رکھیں ہمیں اس میں نہ گھسٹیں۔
ان خیالا ت کا اظہار انہوں نے ایک انٹرویو میں کیا۔ اعتزاز احسن نے مزید کہا کہ نون لیگ کی سیاست جب بھی بنائی ہے اسٹبلشمنٹ نے بنائی ہے جب بھی ان کے پیچھے سے ہاتھ ہٹا ہے وہ دھڑام سے گر جاتے ہیں۔
تاثر یہ ہے کہ پیپلز پارٹی سے اسٹبلشمنٹ کے معاملات ٹھیک ہوچکے ہیں اور جس طرح عمران خان کی مدد کی گئی لوگوں کو شامل کروا کر اب پیپلز پارٹی کی جارہی ہے
اس کے جواب میں اعتزاز احسن نے کہا کہ مسلم لیگ نواز جس طرح ماضی میں ملی بھگت سے چلتی رہی ہے اور حال ہی میں یہ بیان دیا گیا کہ مزاحمت اس لیے کر رہے ہیں کہ مفاہمت ہوسکے انہی وجوہات کی وجہ سے وہ چاہتے ہیں کہ وہ سب کو اسی طرح سے پیش کریں کہ اور ہم سے متعلق بھی یہ تاثر عام کریں لیکن پیپلز پارٹی جو کرتی ہے میرٹ پر الیکشن لڑتی ہے میں سمجھتا ہوں ہمارے خلاف سب سے زیادہ اسٹیبلشمنٹ رہی ہے اور شاید ہے بھی لیکن نوازشریف کے خلاف کبھی اسٹیبلشمنٹ نہیں ہوئی ہے نہ ہے۔
