• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یو م عاشور ،جلوسوں کے موقع پر متبادل ٹریفک پلان جاری

میرا شہر
اسلام آباد
19 اگست ، 2021
راولپنڈی (سٹاف رپورٹر ) سٹی ٹریفک پولیس نے یو م عاشور کے موقع پر ماتمی جلوسوں کو ٹریفک کے حوالے سے سکیورٹی فراہم کرنے کے لئے ٹریفک پلان جاری کر دیا۔ دسویں محرم کو ٹریفک پولیس کے 786اہلکار تعینات کیے گئے ہیں۔ دسویں محرم الحرام کو کمیٹی چوک سے اقبال روڈ کی طرف ہر قسم کی ٹریفک کا داخلہ بند ہو گا۔ڈی اے وی کالج چوک سے ٹریفک ڈائیورشن لگائی جائیگی جہاں سے کالج روڈ کی طرف ہر قسم کی ٹریفک کا داخلہ بند ہو گاجبکہ ماتمی جلوس کے نیا محلہ پہنچنے پر ڈی اے وی کالج چوک سے فوارہ چوک کی طرف کسی قسم کی ٹریفک کو نہیں جانے دیا جائے گا۔اس حوالے سے چیف ٹریفک آفیسر راولپنڈی رائے مظہر اقبال نے کہاہے کہ یوم عاشور کے موقع پر ماتمی جلوسوں کو ٹریفک کے حوالے سے مکمل اور فول پروف سکیورٹی فراہم کی جائے گی اس سلسلے میں پبلک سروس ٹرانسپورٹ کو ڈی اے وی کالج چوک سے واپس بھجوا دیا جائے گا جبکہ دیگر ٹریفک کو گوالمنڈی کمہار روڈ سے بھوسہ گودام کی طرف موڑا جائے گا۔، مشرق ہوٹل، سٹی صدر روڈ پر ڈائیورشن لگا کر واپس صدر اور موہن پورہ کی طرف موڑا جائے گا۔جہاں سے ٹریفک سینما چوک سے جا کر براستہ گنجمنڈی روڈ پیر ودھائی کی طرف جائے گی۔اسی طرح سینما چوک سے کشمیری بازار ٹریفک کو نہیں جانے دیا جائے گااور تمام ٹریفک براستہ ٹرانزنٹ کیمپ صدر کی طرف جائے گی۔تھانہ سٹی کے قریب بھی ڈائیورشن لگا کر آنے والی ٹریفک کو گنجمنڈی روڈ کی طرف موڑا جائے گا جو براستہ ڈھوک حسو پیرودھائی کی طرف جائے گی۔شاہ اللہ دتہ روڈ پر بھی ڈائیورشن ہو گی جہاں سے ٹریفک کو ڈھوک دلال،ٹی بی ہسپتال،پیر ودھائی اور اصغر مال کی طرف بھیجا جائے گا۔بیکری چوک کے پاس ڈائیورشن لگا کر بنی چوک اور لنک روڈ کی طرف بھجوایا جائے گا جو کہ براستہ سید پور روڈ، سرکلر روڈ سے ہوتی ہوئی مری روڈسے لیاقت باغ کی طرف آئیگی۔ہملٹن چوک اور بانساوالا چوک پر ڈائیورشن لگا کرڈنگی کھوئی اور جامع مسجد روڈپر ٹریفک کو نہیں آنے دیا جائیگا۔ اسکے علاوہ پیر چوہا چوک پر ڈائیورشن لگا کرقدیمی امام بارگاہ بلتستانیہ کی طرف آنے والی ٹریفک کو مکمل بند کیا جائے گاجبکہ سیٹلائیٹ ٹائون سے برآمد ہونے والے جلوس کے موقع پر امام بارگاہ یادگار حسینی کے دونوں اطراف تھانہ نیوٹائون،پنجاب کالج آف کامرس،حیات ولی ہسپتال،عزیز نرسنگ ہوم،بنی چوک جانب کوہاٹی بازار،روشن بیکری، کالی ٹینکی چوک، اصغر مال کالج، بنی مارکیٹ اور دیگر مختلف مقامات پر ٹریفک متبادل راستوں پر ڈائیورٹ کیا جائے گا۔
تازہ ترین