فرمان الہی
نماز کے اوقات
کراچی ( اسٹاف رپورٹر) مسلم لیگ (ن) کے صدر شہباز شریف کراچی پہنچ گئے۔ انہوں نے ائیرپورٹ پر میڈیا سے گفتگو نہیں کی اور ہوٹل پہنچ گئے جہاں وہ قیام کرینگے۔سانحہ مہران ٹائون کے باعث شہباز شریف نے پارٹی رہنماؤں اور کارکنان کو انکے استقبال سے منع کردیا تھا تاہم اسکے باوجود میاں شہباز شریف کی کراچی آمد پرنواز لیگ کے کارکنان نے پارٹی قیادت کی ہدایت ہوا میں اُڑا دی۔ائیرپورٹ کے باہر کارکنان کا جم غفیر جمع ہوگئے۔انہوں نے ڈھول تاشوں اور پارٹی نغموں پر رقص بھی کیا۔ شہباز شریف ہفتہ کو سابق صدر پاکستان، ممنون حسین کے اہل خانہ، ممتاز بھٹو کے صاحبزادے، جلال محمود شاہ اور پیر صاحب پگارا سے علیحدہ ملاقاتوں میں ان سے اظہارتعزیت و فاتحہ خوانی کرینگے۔ وہ مقامی ہوٹل میں پی ڈی ایم اجلاس میں شرکت اور پریس کانفرنس سے خطاب کریں گے- وہ اتوار کو مسلم لیگ(ن) کے مختلف وفود سے ملاقات کرینگے ۔ شہباز شریف پی ڈی ایم جلسئہ عام میں شرکت کرینگے۔
