پیپلز پارٹی کے چیئرمین بلاول بھٹو اپنی بہنوں کے ساتھ آج گیلانی ہاؤس گئے اور خوشیوں میں شریک ہوئے،چیئرمین پیپلز پارٹی بلاول بھٹو زرداری خصوصی طیارے کے ذریعے اسلام آباد سے لاہور پہنچے تھے۔
سابق وزیراعظم یوسف رضا گیلانی، آصفہ بھٹو زرداری اور بختاور بھٹو زرداری بھی ان کے ہمراہ تھیں، لاہور ایئرپورٹ پر میڈیا سے گفتگو میں بلاول بھٹو زرداری نے علی حیدر گیلانی کی بازیابی پر مسرت کا اظہار کیا۔
بلاول بھٹو زرداری نے پانامہ لیکس پر وزیراعظم کی قومی اسمبلی میں آمد پر بھی بات کی۔بلاول بھٹو زرداری ایئرپورٹ سے سیدھے گیلانی ہاؤس پہنچے، بختاور اور آصفہ بھٹو زرداری بھی ان کے ہمراہ تھیں۔
انہوں نے علی حیدر گیلانی اور گیلانی فیملی کے دیگر ارکان کے ہمراہ خوش گوار وقت گزارا۔گیلانی ہاؤس سے چیئرمین پیپلز پارٹی بلاول ہاؤس چلے گئے، سابق وزیراعظم یوسف رضا گیلانی نے انہیں الوداع کہا۔
اس موقع پر میڈیا سے گفتگو میں یوسف رضا گیلانی کا کہنا تھا کہ علی حیدر کی بازیابی کے لیے آپریشن امریکی فوج نے کیا، پاک فوج نے ان کا ساتھ دیا۔
فرمان الہی
نماز کے اوقات
