سدھارتھ کی آخری رسومات پر شہناز گِل غم سے نڈھال، ویڈیو وائرل

گزشتہ روز دل کا دورہ پڑنے کی وجہ سے دُنیا سے کوچ کرجانے والے بھارتی اداکار سدھارتھ شکلا کی آخری رسومات کی ادائیگی کے لیے شدتِ غم سے نڈھال اُن کی گرل فرینڈ شہناز گِل بھی پہنچ گئیں جس کی ویڈیو سوشل میڈیا پر وائرل ہوگئی ہے۔

 بھارتی میڈیا رپورٹس کے مطابق سدھارتھ شکلا کی آخری رسومات آج ادا کی جائیں گی جس کی تیاریاں شروع کردی گئی ہیں اور اداکار کی رہائش گاہ پر اُن کے دوستوں اور عزیز و اقارب کے آنے کا سلسلہ بھی شروع ہوگیا ہے۔

اب اس ضمن میں سوشل میڈیا پر ایک ویڈیو وائرل ہورہی ہے جس میں سدھارتھ شکلا کی گرل فرینڈ شہناز گِل کو اُن کی رہائش گاہ آتے ہوئے دیکھا جاسکتا ہے۔

ویڈیو میں دیکھا جاسکتا ہے کہ شہناز گِل گاڑی میں اپنے بھائی شہباز کے ساتھ موجود ہیں اور سدھارتھ کی موت پر وہ شدتِ غم سے نڈھال نظر آرہی ہیں۔

سدھارتھ شکلا کی آخری رسومات کیلئے ایمبولینس پہنچ گئی

گزشتہ روز دل کا دورہ پڑنے کی وجہ سے دُنیا سے کوچ کرجانے والے بھارتی اداکار سدھارتھ شکلا کی آخری رسومات کی ادائیگی کے لیے ایمبولینس اداکار کو لینے اسپتال پہنچ گئی۔

گاڑی کے اردگرد بھارتی صحافیوں کی بڑی تعداد موجود ہے جو شہناز گِل سے گفتگو کرنے کی کوشش کررہی ہے لیکن وہ کسی کے سوال کا جواب نہیں دے رہیں۔

واضح رہے کہ گزشتہ روز بھارت کے مقبول ترین رئیلیٹی شو بگ باس کے سیزن 13 کے فاتح سدھارتھ شُکلا 40 برس کی عمر میں اچانک دل کا دورہ پڑنے کے باعث چل بسے۔

میرے بیٹے کو اتنی جلدی نہیں جانا چاہیے تھا: والدہ سدھارتھ شکلا

گزشتہ روز دل کا دورہ پڑنے کی وجہ سے اس دُنیا سے کوچ کرجانے والے آنجہانی بھارتی اداکار سدھارتھ شکلا کی والدہ نے اپنے بیٹے کی موت پر شدید دُکھ کا اظہار کرتے ہوئے کہا ہے کہ اُن کے بیٹے کو اتنی جلدی دُنیا سے نہیں جانا چاہیے تھا۔

بھارتی میڈیا رپورٹس کے مطابق سدھارتھ نے سونے سے پہلے کچھ دوائیاں لیں جس کے بعد وہ بیدار نہ ہوئے، خاندانی ذرائع نے اداکار کی موت کی وجہ ہارٹ اٹیک بتائی ہے۔

یاد رہے کہ رواں برس بھارتی میڈیا رپورٹس میں کہا جارہا تھا کہ بگ باس کے سیزن 13 میں پہلی بار ملاقات کرنے والی جوڑی شہناز گِل اور سدھارتھ شکلا نے گزشتہ سال دسمبر میں شادی کرلی ہے تاہم اُنہوں نے اپنی ازدواجی زندگی کو میڈیا سے چُھپا کر رکھا ہے تاکہ دونوں اداکار کیریئر پر توجہ دے سکیں۔

تاہم دونوں بھارتی اداکاروں کی جانب سے ابھی تک اس خبر کی تصدیق یا تردید نہیں کی گئی تھی۔

سدھارتھ کی موت سے شدید صدمے میں ہوں: راہول ویدیا

بھارتی رئیلیٹی شو بگ باس کے سیزن 14 کے رنر اپ اور گلوکار راہول ویدیا نے کہا ہے کہ وہ سدھارتھ شکلا کی اچانک موت کی وجہ سے شدید صدمے میں ہیں اور اُن کے پاس اپنے جذبات بیان کرنے کے لیے الفاظ نہیں ہیں۔

خیال رہے کہ شہناز گِل اور سدھارتھ شکلا کی پہلی ملاقات بگ باس کے سیزن 13 میں ہوئی تھی جہاں دونوں کی دوستی ہوئی اور پھر وہ دوستی محبت میں تبدیل ہوگئی۔

سدھارتھ شکلا نے بگ باس کے سیزن 13 کے فاتح ہونے کا اعزاز اپنے نام کیا جبکہ شہناز گِل فائنل سے پہلے ہی بگ باس کے گھر سے نکل گئی تھیں۔

شہناز گل کئی ہٹ میوزک ویڈیوز میں نظر آچکی ہیں۔ ان گانوں میں شہناز گل، سدھارتھ شکلا کے ساتھ نظر آئی ہیں۔ ان کی کیمسٹری سدھارتھ کے ساتھ بے حد پسند کی جاتی ہے۔

موت کے حوالے سے سدھارتھ شکلا کا پُرانا ٹوئٹ وائرل

بھارتی ٹی وی کا جانا پہچانا چہرہ اور بگ باس 13کے فاتح سدھارتھ شکلا کی موت کے بعد اُن کا وہ ٹوئٹ سوشل میڈیا پر وائرل ہوگیا ہے جس میں اُنہوں نے کہا تھا کہ ’موت انسان کے لیے سب سے بڑا نقصان نہیں ہے۔‘

سدھارتھ شکلا اور شہناز گل ساتھ میں دو میوزک ویڈیو میں نظر آچکے ہیں۔ ایک درشن راول کا ’بھلا دوں گا‘ اور دوسرا ٹونی ککڑ کا ’شونا شون‘ دونوں ہی گانے ہٹ رہے ہیں۔