• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سدھارتھ شکلا کی آخری رسومات کیلئے ایمبولینس پہنچ گئی

تازہ ترین
انٹرٹینمنٹ
03 ستمبر ، 2021
سدھارتھ شکلا کی آخری رسومات کیلئے ایمبولینس پہنچ گئی

گزشتہ روز دل کا دورہ پڑنے کی وجہ سے دُنیا سے کوچ کرجانے والے بھارتی اداکار سدھارتھ شکلا کی آخری رسومات کی ادائیگی کے لیے ایمبولینس اداکار کو لینے اسپتال پہنچ گئی۔

بھارتی میڈیا رپورٹس کے مطابق سدھارتھ شکلا کی آخری رسومات کی تیاریاں شروع کردی گئی ہیں اور آج ہی اُن کی آخری رسومات کی ادائیگی متوقع ہے۔

رپورٹ میں بتایا گیا کہ سدھارتھ شکلا کو لینے کے لیے ایمبولینس اسپتال پہنچ گئی ہے جہاں میڈیا اور پولیس کی بڑی تعداد موجود ہے۔

موت کے حوالے سے سدھارتھ شکلا کا پُرانا ٹوئٹ وائرل

بھارتی ٹی وی کا جانا پہچانا چہرہ اور بگ باس 13کے فاتح سدھارتھ شکلا کی موت کے بعد اُن کا وہ ٹوئٹ سوشل میڈیا پر وائرل ہوگیا ہے جس میں اُنہوں نے کہا تھا کہ ’موت انسان کے لیے سب سے بڑا نقصان نہیں ہے۔‘

دوسری جانب سدھارتھ شکلا کی آخری رسومات کی ادائیگی کے لیے اُن کے عزیز و اقارب اور دوست احباب اُن کی رہائش گاہ پر پہنچ گئے ہیں۔

واضح رہے کہ گزشتہ روز بھارت کے مقبول ترین رئیلیٹی شو بگ باس کے سیزن 13 کے فاتح سدھارتھ شُکلا 40 برس کی عمر میں اچانک دل کا دورہ پڑنے کے باعث چل بسے۔

سدھارتھ کی موت سے شدید صدمے میں ہوں: راہول ویدیا

بھارتی رئیلیٹی شو بگ باس کے سیزن 14 کے رنر اپ اور گلوکار راہول ویدیا نے کہا ہے کہ وہ سدھارتھ شکلا کی اچانک موت کی وجہ سے شدید صدمے میں ہیں اور اُن کے پاس اپنے جذبات بیان کرنے کے لیے الفاظ نہیں ہیں۔

بھارتی میڈیا رپورٹس کے مطابق سدھارتھ نے سونے سے پہلے کچھ دوائیاں لیں جس کے بعد وہ بیدار نہ ہوئے۔

خاندانی ذرائع نے اداکار کی موت کی وجہ ہارٹ اٹیک بتائی ہے۔

تازہ ترین