کراچی (اسٹاف رپورٹر) ایشین اسکواش ٹیم چیمپئن شپ میں پاکستان نے سری لنکا کو 3-0سے شکست دیدی۔ چیمپئن شپ کے پہلے ٹیم ایونٹ مقابلے میں پاکستانی کھلاڑیوں فرحان زمان، طیب اسلم اور فرحان محبوب نے شاندار کارکردگی کا مظاہرہ کیا۔ ٹیم ایونٹ میں پاکستان کے چار کھلاڑی فرحان زمان، طیب اسلم، فرحان محبوب اور اسرار گل حصہ لے رہے ہیں۔ لیگ مقابلے جمعرات تک جاری رہیں گے۔ ایشین اسکواش فیڈریشن کی جنرل کونسل کا اجلاس15 مئی کو تائیوان میں ہوگا۔ اجلاس میں پاکستان کی نمائندگی پاکستان اسکواش فیڈریشن کے سیکریٹری گروپ کیپٹن عامر نواز کریں گے۔
فرمان الہی
نماز کے اوقات
