فرمان الہی
نماز کے اوقات
سکھر (بیورورپورٹ ) پیپلزپارٹی کے مرکزی رہنما مشیر جیل خانہ جات سندھ میر اعجاز جکھرانی نے کہا ہے کہ سید خورشید احمد شاہ جیل میں ہیں اور دیگر قیدی بھی جیل میں ہیں جیل قوانین کے مطابق جو سہولیات ہیں وہ سید خورشید احمد شاہ کو فراہم کی جارہی ہیں، پی ٹی آئی سینیٹر سیف ﷲ ابڑو پر حملہ ہوا ہے؟ مجھے پتہ نہیں ہے، پیپلزپارٹی کے خلاف انتقامی کاروائی ہورہی ہے سید خورشید احمد شاہ کے سارے خاندان پر ریفرنس داخل ہے عدالتوں میں مقابلہ کررہے ہیں پیپلزپارٹی اداروں کا احترام اور عدالتوں پر یقین ہے۔ وہ احتساب عدالت کے باہر میڈیا سے بات چیت کررہے تھے اعجاز خان جکھرانی نے کہا کہ مخالفین کے کہنے سے کچھ نہیں ہوتا، ابتدائی طور سے زمیندار گھرانے سے تعلق ہے میں نے پڑھائی بھی بیرون ملک سے حاصل کی ہے، میرے مخالفین مجھ پر جو الزمات لگاتے ہیں وہ کورٹ میں ثابت کیوں نہیں کرتے ان کا مزید کہنا تھا کہ سیاسی انتقام کا نشانہ بنایا جارہا ہے، میرے خلاف الزمات کے تحت ریفرنس داخل ہے، اور سنا ہے اب دوسرے کے بعد ایک اور ریفرنس داخل کررہے ہیں پرانے الزمات کے تحت فوٹو کاپی کرکے ایک اور ریفرنس کی تیاری ہے، ایک سوال کے جواب میں انہوں نے کہا کہ پی ٹی آئی سینیٹر سیف اللہ ابڑو پر حملہ ہوا ہے؟ مجھے پتہ نہیں ہے۔ انہوں نے کہا کہ سندھ حکومت جیل اصلاحات پر کام کررہی ہے جلد اس پر مکمل طور پر عمل درآمد ہوگا، انہوں نے کہا کہ یہ کہنا درست نہیں کہ دیہی علاقوں میں کام نہیں ہوا، پیپلزپارٹی نے شہروں سے زیادہ دیہی علاقوں کی خدمت کی ہے، پیپلزپارٹی کے امیدواروں کو سب سے زیادہ ووٹ دیہی علاقوں سے ملتے ہیں۔
