• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور یونیورسٹی کی چاردیواری گرانا اور زمین پر قبضہ افسوسناک ہے، آئی جے ٹی

میرا شہر
پشاور
07 ستمبر ، 2021
پشاور (خصوصی نامہ نگار) ناظم اسلامی جمعیت طلبہ جامعہ پشاور محمد اسفندیار نے کہا ہے کہ پی ڈی اے کی جانب سے جامعہ پشاور کی دیوار گرانا اور زمین پر قبضہ کرنا افسوس ناک ہے، صوبائی حکومت ایک جانب جامعات کی فنڈنگ میں کمی کررہی ہے تو دوسری جانب پی ڈی اے اور قبضہ مافیا کی جانب سے مسلسل جامعہ پشاور کی جائیداد پر قبضے کا سلسلہ جاری ہے۔ایک بیان میں انہوں نے کہا کہ تین سال قبل صوبائی حکومت نے جامعہ پشاور کی قیمتی زمین، جو روڈ نمبر ایک پر مشتمل تھی، کو یونیورسٹی سے لے لیا اور یونیورسٹی کو اس کا کوئی معاوضہ نہیں دیا جبکہ چند ہفتے قبل قبضہ مافیا نے جامعہ پشاور کی دکانوں پر قبضہ کیا۔انہوں نے گورنر سے مطالبہ کیا کہ وہ پی ڈی اے کی جانب سے غیر قانونی طور پر جامعہ پشاور کی دیوار گرانے کا نوٹس لے اور جامعہ پشاور کی جائیداد کو مختلف پروجیکٹس میں استعمال کرنے کا معاوضہ دے۔
تازہ ترین