• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گھبرانا شروع کردیں،اب ہمارا راستہ کوئی نہیں روک سکے گا، پرویز اشرف

میرا شہر
لاہور
08 ستمبر ، 2021
لاہور(اپنے نامہ نگار سے )سابق وزیراعظم اور پیپلزپارٹی وسطی پنجاب کے صدر راجہ پرویز اشرف نے کہا ہے کہ جو لوگ کہتے ہیں گھبرانا نہیں وہ اب گھبرانا شروع کر دیں،پیپلز پارٹی کا راستہ کوئی نہیں روک سکتا، آپ سے دل کی بات کرنے آیا،پنجاب میں آ ئند ہ حکومت پیپلز پارٹی کی ہو گی اور اب یہی میرا مشن ہے۔وہ گزشتہ روز لاہور آمد کے موقع پر پیپلز پارٹی وسطی پنجاب سیکرٹریٹ میں کارکنوں سے خطاب کررہے تھے۔قبل ازیں راوی ٹول پلازہ،ٹھوکر نیاز بیگ،قذافی سٹیڈیم فیروز پور روڈ پر انکا پارٹی تنظیموں اور کارکنوں کی طرف سے پر تپاک استقبال کیا گیا۔اس موقع پر قمر زمان کائرہ،چودھری منظور،ثمینہ خالد گھرکی،عزیز الرحمٰن چن،اسلم گل ہوں راجہ پرویز اشرف، عثمان ملک،انجم بٹ ،ارشد جٹ، چودھری اختر اور دیگر بھی موجود تھے۔راجہ پرویز اشرف نے کہا کہ پنجاب میں پیپلز پارٹی کی حکومت بنا کر دم لینگےکوئی یہ نہ سمجھے کہ سیاست نہیں سمجھتے۔پیپلز پارٹی کا فیصلہ ہے کہ جس گھر میں بھی کبھی پیپلز پارٹی کا جھنڈا لگاتھا،پھر لگائیں گے۔عزیز الرحمٰن چن،اسلم گل اور عثمان ملک نے کہا کہ راجہ پرویز اشرف اور سابق عہدیداروں کو مبارکباد پیش کرتے ہیں لاہور کو پیپلز پارٹی کا شہر بنا کر دکھائیں گے۔ سابق قیادت نے جو مثبت روایت قائم کی ہے اسے جاری رکھیں گے۔
تازہ ترین