شیخوپورہ(نمائندہ جنگ )لاہور روڈ پر کاہنیانوالہ کے نزدیک لاہور ایئرپورٹ سے فیصل آباد جانیوالی کار کو پولیس پارٹی کے روپ میں ناکہ لگا کر کھڑے ڈاکوؤں نے لوٹ لیا اور اس میں سوار دبئی سے آنے والے شخص بلسان علی اور اس کے رشتہ دارں سے لاکھون روپے مالیت کی ملکی و غیر ملکی کرنسی اور دیگر قیمتی اشیاء لوٹ کر فرار ہوگئے ، سرگودھا روڈ پر بھنڈور کے قریب تین ڈاکوعلی الصبح تاجر بدر الدین کا ڈالہ لاکھوں روپے مالیت کی مرغیوں سمیت چھین کر فرار ہوگئے ، ڈاکوؤں نے اس سے 11ہزار روپے اور موبائل فون بھی چھین لیا، ٹھیکری والہ کے قریب اوکاڑہ کی طرف جانیوالی کار کو چار ڈاکوؤں نے روک لیا اور اس میں سوار شادی کوٹ کے زمیندار بلال مشتاق اور اس کی فیملی سے لاکھوں روپے مالیت کے زیورات اور کرنسی نوٹ چھین کر فرار ہوگئے، نظام پور ڈھاکہ کے قریب دو ڈاکو نوجوان عبدالرؤف سے 15ہزار روپے اور ضروری کاغذات چھین کر فرار ہوگئے، غلہ منڈی شیخوپورہ میں کاشتکار منشاء سے چار مسلح افراد نے گن پوائنٹ پر ٹریکٹر ٹرالی چھین لی اور فرار ہوگئے، سرگودھا روڈ پر غازی مینارہ کے نزدیک تین مسلح افرا د نوجوان عمران علی سے 21ہزار روپے ، اے ٹی ایم کارڈ اور موبائل فون چھین کر فرار ہوگئے، کوٹلہ پنجو بیگ کے نزدیک ڈاکوؤں نے نوجوان اسلم کو 11ہزار روپے اور موٹر سائیکل سے محروم کردیا۔ تھانہ سٹی اے ڈویژن کے علاقہ جمیل ٹاؤن میں چوروں نے ایک شہری امداد اللہ کی دکان کے تالے کاٹ کر وہاں سے ساڑھے تین لاکھ روپے مالیت کا سامان چوری کرلیا، دریں اثناء اسی تھانہ کے علاقہ اسٹیڈیم شاپنگ سنٹر سے دو ڈاکوؤں نے ایک نوجوان جہانگیر بھٹی سے 14ہزار روپے نقدی اور موبائل فون چھین لیا تاہم پولیس نے بروقت کارروائی کرکے دو ڈاکوؤں مطلوب اور مصطفی کو گرفتار کرلیا ہے ۔
فرمان الہی
نماز کے اوقات
