فرمان الہی
نماز کے اوقات
کوہاٹ(نمائندہ جنگ )کوہاٹ کے علاقہ گھمکول کیمپ نمبر 3 میں دیوار کے تنازع پر اندھا دھند فائرنگ سے پانچ افراد جاں بحق جبکہ خاتون سمیت دو افرادزخمی ہوگئے ‘ گھمکول کیمپ نمبرتین میں چچازاد بھائیوں کی فائرنگ سے فرحان ،کاشف ،ریاض،زمان موقع پر دم توڑ گئے ،مقدمہ درج ، لاشوں اور زخمیوں کو ڈویژنل ہیڈ کوارٹر ہسپتال منتقل کردیاگیا۔پولیس تھانہ جنگل خیل کے مطابق گھمکول کیمپ نمبرتین میں دیوار کے تنازع پرچچازاد بھائیوں نے اچانک فائرنگ شروع کردی جس سے فرحان ولد ریاض،کاشف ولد زمان، ریاض، زمان پسران غلام سرور جاں بحق ہوگئے پولیس نے موقع پر پہنچ کر لاشوں اور زخمیوں کو ڈی ایچ کیو ہسپتال منتقل کیا پولیس کے مطابق لواحقین نے مسمیان عرفان،عدنان، احسان، پسران عمر فاروق،عمر فاروق، عمر حیات پسران عباس خان ساکنان کیمپ نمبر 3 جنگل خیل پردعویداری کی ہے۔پولیس نے ملزمان کی گرفتاری کے لئے کارروائی شروع کردی ۔
