کبریٰ خان اور سجل علی کی خاکی وردی پہنے تصویر وائرل

13 ستمبر ، 2021

پاکستان شوبز انڈسٹری کی خوبرو اداکارہ کبریٰ خان اور سجل علی کی کیڈٹ یونیفارم پہنے تصاویر سوشل میڈیا پر وائرل ہوگئی ہیں۔

سوشل میڈیا پر اداکارہ کبریٰ خان اور سجل علی کی جو تصاویر وائرل ہورہی ہیںوہ دراصل ان کے آنے والے پروجیکٹ ’صنفِ آہن‘ کے سیٹ سے لی گئی ہیں ۔

ان تصاویر میں دونوں اداکاراؤں کو کیڈٹس کے یونیفارم میں دیکھا جاسکتا ہے ، دونوں اداکاراؤں کی سوشل میڈیا صارفین کی جانب سے تعریف بھی کی جارہی ہے اور تبصروں کا سلسلہ بھی جاری ہے۔

واضح رہے کہ اداکارہ کبریٰ خان اور سجل علی کے ہمراہ ساتھی اداکارائیں سائرہ یوسف ، رمشا خان، یمنیٰ زیدی و دیگر موجود ہیں، جوکہ کیڈٹس کا کردار ادا کررہی ہیں ۔