جعلی، اسمگل شدہ کورونا ادویات کیخلاف کارروائی کا فیصلہ

ڈرگ ریگولیٹری اتھارٹی آف پاکستان (ڈریپ) نےجعلی اور اسمگل شدہ کورونا وائرس کی ادویات کے خلاف کارروائی کا فیصلہ کر لیا۔

ڈرگ ریگولیٹری اتھارٹی آف پاکستان (ڈریپ) کے سی ای او نے ایڈیشنل ڈائریکٹرز کو کارروائی کے لیے مراسلہ لکھ دیا۔

ڈریپ نے چین میں تیار کورونا سے بچاؤ کی ویکسین کےاستعمال کی منظوری دیدی

اسلام آباد (نمائندہ جنگ) ڈرگ ریگولیٹری اتھارٹی...

سی ای او ڈریپ عاصم رؤف نے مراسلے کے ذریعے ملک بھر میں مارکیٹوں اور فارمیسی پر کڑی نظر رکھنے کا حکم دیا ہے۔

مراسلے میں کہا گیا ہے کہ دنیا بھر کو کورونا وائرس کی ادویات کی قلت کا سامنا ہے، مفاد پرست عناصر کورونا ادویات کی اس قلت کا فائدہ اٹھا رہے ہیں۔

پاکستان: 1 دن میں 7 ہزار 240 کورونا مریض شفایاب، 78 اموات

نیشنل کمانڈ اینڈ آپریشن سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 2 ہزار 580 کیسز سامنے آئے ہیں، مزید 78 افراد اس موذی وباء کے سامنے زندگی کی بازی ہار گئے، اس کے مزید 7 ہزار 240 مریض شفایاب ہو گئے، جبکہ مثبت کیسز کی شرح 5 اعشاریہ 44 فیصد ہو گئی۔

سی ای او ڈریپ نے اپنے مراسلے میں مزید کہا ہے کہ جعلی یا اسمگل شدہ کورونا وائرس کی ادویات بیچنے والوں کے خلاف فوری کارروائیاں کی جائیں۔

مراسلے میں سی ای او ڈریپ عاصم رؤف کا یہ بھی کہنا ہے کہ جعلی اور اسمگل شدہ ادویات کی فروخت ناقابلِ معافی جرم ہے۔