اقراء عزیز کی نئی لُک مداحوں کو بھا گئی

پاکستان کی خوبرو اداکارہ اقراء عزیز کی جانب سے اپنی نئی لُک کے ساتھ تصویر  سوشل میڈیا پر شیئر کی گئی ہے جسے دیکھ کر ان کے مداح خوشگوار حیرت میں مبتلا ہیں۔

جیو انٹر ٹینمنٹ کے بلاک بسٹر سیریز ’خدا اور محبت‘ کے تیسرے سیکوئل میں مرکزی کردار ’ماہی‘ ادا کرنے والی اداکارہ اقراء عزیز آج کل سوشل میڈیا پر چھائی ہوئی ہیں۔

منال خان کی شادی پر اقراء عزیز کے چرچے

پاکستان کی خوبرو اداکارہ منال خان گزشتہ شب رشتہ ازدواج میں منسلک ہو گئی ہیں، گزشتہ رات اُن کی شادی میں متعدد فنکاروں نے بھی بھرپور شرکت کی۔

خدا اور محبت میں سادہ سی گھریلو لڑکی کا کردار ادا کرنے والی اقراء عزیز نے اب اپنا نیا روپ مداحوں کے ساتھ شیئر کیا ہے۔

اقراء عزیز کی تصویروں میں دیکھا جا سکتا ہے کہ اُن کے بال مرون ڈائے ہیں اور لباس اور میک اپ نے اُنہیں مغربی لُک میں ڈھال دیا ہے ۔

اقراء عزیز کی تصویریں دیکھ کر  کمنٹ باکس میں چہ مگوئیاں جاری ہیں کہ اقراء عزیز اپنے آنے والے پروجیکٹ میں بالکل منفرد کردار ادا کرنے والی ہیں جبکہ اقراء عزیز کی جانب سے تا حال ایسا کوئی بیان سامنے نہیں آیا ہے۔