وزارت داخلہ کا اضافی پاسپورٹ منسوخی پر ایمنسٹی دینے کا فیصلہ

وزارت داخلہ نے ایک سے زائد پاسپورٹ رکھنے والوں کو اضافی پاسپورٹ منسوخی کے لیے ایمنسٹی دینے کا فیصلہ کیا ہے۔

اسلام آباد میں وزیر داخلہ شیخ رشید کی زیر صدارت وزارت داخلہ کا اہم اجلاس ہوا ۔

اجلاس کے اعلامیے کے مطابق ایک سے زائد پاسپورٹ رکھنے والوں کواضافی پاسپورٹ منسوخ کرانے کےلیے ایمنسٹی دینے کا فیصلہ کیا گیا ہے۔

ہم امریکا کے لیے کرائے کی فوج رہے، عمران خان

وزیراعظم عمران خان نے کہاہے کہ امریکا نے کبھی نہیں سمجھا کہ حقانی نیٹ ورک کیا ہے۔

اعلامیے کے مطابق اضافی پاسپورٹ ایمنسٹی سے متعلق حتمی منظوری وفاقی کابینہ سے لی جائے گی۔

وزارت داخلہ کے مطابق وزیر داخلہ کی ڈی جی پاسپورٹ اینڈ امیگریشن کو کابینہ کے لیے سمری تیار کرنے کی ہدایت کی گئی ہے۔

سینیٹ کمیٹی اجلاس: پی ایم ڈی اے پر فواد چوہدری اپنی بات کہہ کر چلے گئے

سینیٹ قائمہ برائے اطلاعات میں وفاقی وزیر فواد چوہدری نے پاکستان میڈیا ڈیولپمنٹ اتھارٹی (پی ایم ڈی اے) بل پرحکومتی موقف رکھ دیا۔

اعلامیے کے مطابق ایک سے زائد پاسپورٹ منسوخ کرانے کے لیے 90 روز کی مہلت دی جائے گی، ایمنسٹی اسکیم سے فائدہ نا اٹھانے والوں کے کیسز ایف آئی اے کو بھجوائیں گے۔

اعلامیے کے مطابق موجودہ قانون میں ایک سے زائد پاسپورٹ رکھنے پر کم سے کم سزا 3 سال قید ہے۔

پی ایم ڈی اے پر حکومتی تیاری مکمل لگتی ہے، مصطفیٰ نواز کھوکھر

پیپلز پارٹی کے سینیٹر مصطفیٰ نواز کھوکھر نے کہا ہے کہ پاکستان میڈیا ڈیولپمنٹ اتھارٹی (پی ایم ڈی اے) پر حکومتی بریفنگ سے لگتا ہے کہ تیاری مکمل ہے۔

وزارت داخلہ کی اس اسکیم سے ایک سے زائد ناموں والے پاسپورٹ رکھنے والے اوورسیز پاکستانیوں کو فائدہ ہوگا۔