• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان نے افغانستان کو انسانی بنیادوں پر امداد کی فراہمی شروع کردی ہے، پاکستانی سفیر

افغانستان میں پاکستانی سفیر منصور احمد خان کا کہنا ہے کہ پاکستان نے آج سے طور خم بارڈر کے ذریعے افغانستان کو انسانی بنیادوں پر امداد کی فراہمی شروع کردی ہے۔

جلال آباد کے پاکستانی قونصل جنرل نے اشیائے خور و نوش کے 13 ٹرک وصول کیے، اشیائے خور و نوش کی فراہمی پاک افغان تعاون فورم کی جانب سے کی گئی ہے۔

منصور احمد خان نے کہا کہ پاکستان سے پہنچنے والی اشیائے خورونوش مختلف افغان صوبوں کو بھیجی جائیں گی، ٹرکوں میں 190 ٹن آٹا، 11 ٹن کوکنگ آئل اور 35 ٹن چینی لوڈ کی گئی ہے۔

پاک افغان تعاون فورم کا کہنا ہے کہ 31 ٹن چاول اور 3 ٹن دالیں بھی افغانستان روانہ کردی گئی ہیں، اس سے قبل بھی 32 ٹن آٹا، 6 ٹن آئل اور ادویات بھجوائے جاچکے ہیں۔

قومی خبریں سے مزید