فرمان الہی
نماز کے اوقات
کوہاٹ (آئی این پی) کوہاٹ کے علاقے ڈھل بہزادی میں انسداد پولیو ٹیم کی سیکورٹی پر مامور پولیس اہلکار نامعلوم افراد کی فائرنگ سے شہید ہوگیا۔ تفصیلات کے مطابق کوہاٹ کے علاقے ڈھل بہزادی میں نامعلوم افراد انسداد پولیو ٹیم پر فائرنگ کرکے فرار ہوگئے، واقعے میں انسداد پولیو ٹیم کی سیکورٹی پر مامور پولیس اہلکار شہید ہوگیا۔ واقعے کی اطلاع ملتے ہی پولیس اہلکاروں اور امدادی رضا کاروں کی ٹیم موقع پر پہنچ گئی، جاں بحق اہلکار کی لاش قریبی اسپتال منتقل کردی گئی، جہاں ضابطے کی کارروائی کے بعد میت کو لواحقین کے سپرد کردیا گیا۔ پولیس نے شواہد اکٹھے کرکے ملزمان کی گرفتاری کیلئے سرچ آپریشن شروع کردیا ہے۔
