قومی ٹی20 کپ کے شیڈول اور ٹیم کپتانوں کے ناموں کا اعلان

قومی ٹی ٹوئنٹی کپ 23 ستمبر سے راولپنڈی میں شروع ہوگا، ایونٹ میں پاکستان ٹی20 اسکواڈ کے بھی تمام کھلاڑی شریک ہوں گے۔

پاکستان کرکٹ بورڈ (پی سی بی) کے مطابق قومی ٹی20 کپ 2 مرحلوں میں کھیلا جائے گا، پہلے مرحلے کے 18 میچز 23 ستمبر سے 3 اکتوبر تک راولپنڈی میں کھیلے جائیں گے۔

پی سی بی کے مطابق دوسرا مرحلہ 6 اکتوبر سے لاہور میں ہوگا، جس میں فائنل سمیت 15 میچز کھیلے جائیں گے۔

نیشنل ٹی20 کپ: شائقین کو اسٹیڈیم آنے کی اجازت دینے کا فیصلہ

نیشنل ٹی20 کپ میں شائقین کو اسٹیڈیم آنے کی اجازت دینے کا فیصلہ کرلیا گیا۔

پی سی بی کے مطابق یہ ٹورنامنٹ میں ایونٹ میں شریک کھلاڑیوں کو ٹی 20 ورلڈ کپ کی تیاریوں میں مدد فراہم کرے گا۔

پی سی بی نے ایونٹ میں شریک تمام 6 ٹیموں، اُن کے کپتانوں اور شیڈول کا اعلان کردیا ہے۔

انگلش بورڈ کے دورہ پاکستان سے انکار کے بعد کیا مائیکل وان نے یوٹرن لے لیا؟

کیا سابق انگلش کپتان مائیکل وان نے موقع کی نزاکت دیکھتے ہوئے یوٹرن لے لیا؟

پاکستان کرکٹ ٹیم کے کپتان بابر اعظم سینٹرل پنجا ب، شاداب خان ناردرن، امام الحق بلوچستان، سرفراز احمد سندھ، محمد رضوان خیبر پختونخوا اور صہیب مقصود سدرن پنجاب کی کپتانی کریں گے۔