صبا قمر اور ماہرہ خان کے ساتھ بطور ہیرو کام نہیں کروں گا، منیب بٹ

22 ستمبر ، 2021

اداکار منیب بٹ کا ماننا ہے کہ وہ صبا قمر اور ماہرہ خان کے ساتھ فلموں میں نہیں آسکتے کیونکہ ان دونوں کی عمریں زیادہ ہیں۔

منیب بٹ نے حال ہی میں مارننگ شو میں شرکت کی جہاں انہوں نے اپنی فیملی اور کیریئر کے حوالے سے دلچسپ گفتگو کی۔

دورانِ شو میزبان ندا یاسر نے منیب بٹ سے سوال کیا کہ وہ کس ہیروئن کے ساتھ رومانوی فلم میں بطور ہیرو آنا چاہیں گے؟

جواب میں منیب بٹ نے یمنیٰ زیدی کی تعریف کی جس پر میزبان نے اپنے سوال کو دہراتے ہوئے کہا کہ کس ہیروئن کے ساتھ رومینٹک فلم میں بطور ہیرو آنا چاہیں گے؟

ندا یاسر نے جب اپنے سوال میں صبا قمر یا ماہرہ کا نام لیا تو اس کے جواب میں منیب بٹ نے کہا نہیں یہ دونوں تو مجھ سے عمر میں بہت بڑی ہیں اگر میں ان دونوں کے ساتھ ہیرو آیا تو چھوٹا لگوں گا۔

منیب بٹ نے اپنی بات کو واضح یہ کہتے ہوئے کیا کہ ماہرہ خان اور صبا قمر سینئر اداکارائیں ہیں لہذا میں اپنی عمر کی کسی اداکارہ کے ساتھ ہیرو آنا چاہوں گا۔

تازہ ترین