• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

زینب عباس کو بچے کے نام کے حوالے سے تجاویز ملنے لگیں

پاکستان کی خاتون اسپورٹس پریزنٹر اور میزبان زینب عباس کو اپنی فیملی میں ہونے والے نئے اضافے کے نام کے حوالے سے تجاویز ملنے لگیں۔

آسٹریلوی صحافی ڈینس فریڈمین نے زینب عباس کی جانب سے خوشخبری کو ایک بہترین خبر قرار دیا۔

انہوں نے اپنے ٹوئٹ میں زینب عباس کو مبارکباد دی، اور ساتھ ہی کمال حسِ مزاح کا مظاہرہ کرتے ہوئے کہا کہ اگر آپ کے ہاں لڑکا ہوا تو آپ اس کا نام ’ڈینس‘ رکھیے گا۔

واضح رہے کہ زینب عباس کے ہاں جلد ننھے مہمان کی آمد متوقع ہے جس کی اطلاع اُنہوں نے اپنے سوشل میڈیا پیغام کے ذریعے دی۔

زینب عباس نے اپنے ہونے والے بچے کو اپنے سفر کا ساتھی قرار دیتے ہوئے اپنے ٹوئٹ میں لکھا کہ ’اُنہیں اب یہ سفر ٹی ٹوئنٹی کے بجائے ٹیسٹ میچ جیسا لگ رہا ہے لیکن اُنہیں طوفان اور موسم کا خیال رکھتے ہوئے یہ کھیل کھیلنا ہے۔‘

خیال رہے کہ سال 2019ء میں زینب اور حمزہ کی لاہور میں شادی ہوئی تھی۔ حمزہ سابق وزیر خزانہ اور سابق گورنر اسٹیٹ بینک آف پاکستان شاہد حفیظ کاردار کے بیٹے ہیں۔

کھیلوں کی خبریں سے مزید