راولپنڈی(اپنے رپورٹر سے)مون سون کی آمد آمد ہے اور راولپنڈی میں سیلاب کی پیشگی اطلاع دینے والا نظام جواب دے گیا ہے۔پتہ چلاہے کہ فریکونسی بورڈ نے پیشگی اطلاع دینے والے اسٹیشن اور کنٹرول روم کو دی گئی فریکونسی کسی اور ادارے کو الاٹ کردی ہے۔جس کے باعث راولپنڈی کا نظام بند ہوگیا ہے۔جس کے بعد ضلعی انتظامیہ نے فریکونسی بورڈ سے رابطہ کیا ہے۔اس حوالے سے ڈسٹرکٹ آفیسر ایمرجنسی ڈاکٹر عبدالرحمان سے رابطہ کیا گیا تو انہوں نے کہا کہ ایک دو دن میں صورتحال ٹھیک ہوجائے گی۔دریں اثناء ڈسٹرکٹ ڈیزاسٹر منیجمنٹ کمیٹی کا اجلاس جمعرات کو ڈی سی او راولپنڈی طلعت محمود گوندل کی زیر صدارت ہوا۔اجلاس میں فیصلہ کیا گیا کہ نالہ لئی کی واسا اور اس سے منسلک نالوں کی صفائی راولپنڈی ویسٹ مینجمنٹ کمپنی جون سے قبل مکمل کرے۔
فرمان الہی
نماز کے اوقات
