• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی: کورونا ویکسین نہ لگوانے پر 2 افراد گرفتار


ملک کے سب سے بڑے شہر کراچی میں کورونا وائرس کی ویکسین نہ لگوانے والوں کے خلاف پولیس نے کارروائیوں کا آغاز کر دیا۔

سہراب گوٹھ پولیس نے کورونا وائرس کی ویکسین نہ لگوانے والے 2 افراد کو گرفتار کر لیا ہے۔

پولیس کے مطابق ملزمان کے خلاف سہراب گوٹھ تھانے میں سرکار کی مدعیت میں مقدمہ درج کیا گیا ہے۔

پولیس کا کہنا ہے کہ مقدمے میں سرکاری احکامات کی خلاف ورزی کی دفعات شامل کی گئی ہیں۔

پولیس کا یہ بھی کہنا ہے کہ یہ مقدمہ وبائی امراض ایکٹ 2014ء کے تحت درج کیا گیا ہے۔

واضح رہے کہ گزشتہ روز محکمۂ داخلہ سندھ کی جانب سے آئی جی پولیس، ڈی جی رینجرز سندھ اور ڈویژنل کمشنرز کو خط لکھا گیا ہے۔

محکمۂ داخلہ سندھ کے خط میں ایس او پیز پر عمل نہ کرنے والوں کے خلاف مقدمات درج کرنے اور جرمانے عائد کرنے کا کہا گیا ہے۔

قومی خبریں سے مزید