فرمان الہی
نماز کے اوقات
لاہور (ایجنسیاں، نمائندہ جنگ) مسلم لیگ (ن)کی نائب صدر مریم نواز نے کہا ہے کہ میں اور نوازشریف سیاست کیلئے کافی ہیں، جس نے مجھ سے لڑنا ہے وہ سیاسی طور پر لڑے، کچھ لوگ نوازشریف کی زبان بند کرنا چاہتے ہیں، محمد زبیر کو کافی دیر سے دھمکیاں مل رہیں تھیں، مبینہ ویڈیو کی حقیقت کیا ہے، یہ محمد زبیر اور اللّٰہ کا معاملہ ہے لیکن محمد زبیر میرے ترجمان رہیں گے، میرے پاس کسی کی ذاتی ویڈیو نہیں ہے۔ ان خیالات کا اظہار انہوں نے ماڈل ٹائون پارٹی سیکرٹریٹ لاہور میں صحافیوں سے غیررسمی گفتگو اور جاری ایک بیان کیا۔صحافیوں سے گفتگو کرتے ہوئے مریم نواز کا کہنا تھا کہ ملک میں ایسا نظام ہونا چاہیے جس میں انصاف ملے، ایسا نظام نہ ہو کہ تین بار کے وزیراعظم کو جیل میں ڈال دیا جائے، چیئرمین نیب توسیع کے بارے میں ہمارا آئین تو نہیں کہتا کہ توسیع ہو۔مریم نواز نے کہا کہ سابق گورنر سندھ محمد زبیر میرے ترجمان ہیں اور رہیں گے، ان کو اور ان کی اہلیہ کو ویڈیو سکینڈل سے پہلے کئی بار دھمکیاں دی گئیں۔
