فرمان الہی
نماز کے اوقات
کراچی میں پولیس نے الفلاح اور سائٹ اے میں کارروائی کے دوران 2 زخمی ملزمان سمیت 8 ملزمان کو گرفتار کر لیا۔
پولیس کے مطابق الفلاح جمعہ گوٹھ ملیر ندی کے قریب مبینہ مقابلے کے نتیجے میں 2 زخمیوں سمیت 5 ملزمان کو گرفتار کر لیا گیا۔
پولیس کی جوابی فائرنگ سے 2 ملزمان زخمی حالت میں گرفتار ہوئے، زخمی ملزمان کی شناخت انور اور اللّٰہ دینو کے نام سے ہوئی ہے۔
ملزمان الفلاح، رفاہِ عام، شمسی سوسائٹی اور اطراف کے علاقوں میں ڈکیتی کی وارداتوں میں ملوث پائے گئے ہیں۔
پولیس کے مطابق سائٹ اے ولیکا روڈ پر مبینہ پولیس مقابلے میں 3 ملزمان کو گرفتار کر لیا گیا۔
گرفتار 2 ملزمان منشیات فروش جبکہ 1 ڈاکو ہے، گرفتار ڈاکو عمیر کی ڈرائی فروٹ کی دکان میں لوٹ مار کی سی سی ٹی وی بھی سامنے آ چکی ہے۔
گرفتار ملزمان کے قبضے سے اسلحہ اور 2 کلو سے زائد چرس برآمد ہوئی ہے۔
ادھر سائٹ سپر ہائی وے اور بلوچ کالونی میں ڈکیتی کے دوران مزاحمت پر فائرنگ سے 2 افراد زخمی ہو گئے۔
