کپل شرما بھی عُمر شریف کے انتقال پر افسردہ

بھارت کے معروف کامیڈین اسٹار کپل شرما کی جانب سے بھی کامیڈین کنگ عُمر شریف کے انتقال پر شدید دُکھ کا اظہار کیا گیا ہے۔

مائیکرو بلاگنگ سائٹ ٹوئٹر پر کپل شرما نے مرحوم عُمر شریف کی یادگار تصویر شیئر کی۔

کپل شرما نے عُمر شریف کی تصویر شیئر کرتے ہوئے اپنے ٹوئٹ میں لکھا کہ ’الوداع لیجنڈ۔‘

اُنہوں نے عُمر شریف کی مغفرت کے لیے بھی دُعا کی۔

واضح رہے کہ لیجنڈ کامیڈین عمر شریف طویل علالت کے بعد جرمنی کے اسپتال میں انتقال کر گئے۔

عُمر شریف کے انتقال کی خبر نے دل توڑ دیا: فیصل قریشی

پاکستان شوبز انڈسٹری کے معروف اداکار و میزبان فیصل قریشی نے کامیڈین کنگ عُمر شریف کے انتقال پر شدید افسوس کا اظہار کیا ہے۔

اداکار عمر شریف 4 روز سے جرمنی کے اسپتال میں داخل تھے ، انہیں کراچی سے واشنگٹن علاج کیلئے پہنچایا جارہا تھا لیکن ناساز طبیعت کے باعث انہیں جرمنی کے اسپتال میں ہی داخل کردیا گیا تھا۔

لیجنڈری اداکار و کامیڈین عمر شریف کافی عرصے سے عارضہ قلب ، گردے اور دیگر مختلف بیماریوں میں مبتلا تھے۔

عمر شریف انتقال کر گئے

لیجنڈ کامیڈین عمر شریف طویل علالت کے بعد جرمنی کے...

خیال رہے کہ عمر شریف نے اپنے کیریئر کا آغاز 1974میں 14سال کی عمر میں اسٹیج اداکاری سے کیا تھا اور 1980 میں پہلی مرتبہ آڈیو کیسٹ پر اپنے ڈرامے ریلیز کیے تھے۔

عمر شریف ٹی وی، اسٹیج اداکار، فلم ڈائریکٹر کے طور پر جانے جاتے ہیں، انہوں نے اسٹیج و تھیٹر ناصرف ملک میں بلکہ سرحد پار بھی بہت مقبولیت حاصل کی۔

انہوں نے تقریبا 5 دہائیوں تک شوبز میں کام کیا ہے اور درجنوں، ڈراموں، اسٹیج تھیٹرز اور لائیو پروگرامز میں پرفارم کیا۔