اسلام آباد جاکر ڈاکٹر عبدالقدیر خان سے ملنا چاہتا تھا، وزیراعلیٰ سندھ

محسن پاکستان ایٹمی سائنسدان ڈاکٹر عبدالقدیر خان  کے خط سے متعلق وزیر اعلیٰ سندھ سید مراد علی شاہ کا موقف بھی سامنے آگیا ہے۔

مراد علی شاہ کا کہنا ہے کہ ڈاکٹر عبدالقدیر کی طبیعت کا سن کر وہ بہت مضطرب ہوئے اور ان سے اظہارِ یک جہتی کےلیے گلدستہ بھجوایا تھا۔

ڈاکٹر عبدالقدیر خان کا انتقال سے چند روز پہلے وزیراعلیٰ سندھ کو لکھا گیا آخری خط

ڈاکٹر عبدالقدیر نے یہ شکوہ بھی کیا کہ شاید وزیراعظم،اورپنجاب، کےپی اور بلوچستان کے وزراءاعلیٰ ان کے مرنےکی خبر کے منتظر ہیں۔

وزیر اعلیٰ سندھ نے کہا کہ جواب میں ڈاکٹر قدیر کی لکھی تحریر نے ان کے دل پر گہرا اثر کیا، اور یہ جان کر خوشی ہوئی کہ وہ روبصحت ہیں۔

مراد علی شاہ نے کہا کہ وہ چاہتے تھے کہ وہ خود اسلام آباد جا کر ڈاکٹر عبدالقدیر سے ملیں، لیکن بدقسمتی سے وہ ہم سے بچھڑ گئے۔

ڈاکٹر عبدالقدیر خان جس طرح ہم سے بچھڑے وہ بہت سوال چھوڑ گئے، خالد مقبول صدیقی

خالد مقبول صدیقی نے کہا کہ آپ نےمشکل وقت میں ان سے لا تعلقی کا اظہار کیا، قومیں اس طرح نا اپنی شناخت بناسکتی نا سر اٹھا کر چل سکتی ہیں۔

انہوں نے کہا کہ قوم کے لیے ڈاکٹر عبدالقدیر کی خدمات کبھی فراموش نہیں کی جائیں گی، درحقیقت پاکستان ان کا مقروض ہے۔

 مراد علی شاہ نے ڈاکٹر عبدالقدیر کے لیے جنت میں اعلیٰ مقام کی دعا کی ہے۔