• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تمام ہائی ویز کو لاوارث چھوڑ دیا گیا، چیف جسٹس

تازہ ترین
قومی خبریں
13 اکتوبر ، 2021


چیف جسٹس پاکستان جسٹس گلزار احمد نے کہا ہے کہ لاہور اسلام آباد موٹروے کو چھوڑ کر باقی تمام ہائی ویز کو لاوارث چھوڑ دیا گیا، این ایچ اے سے کراچی حیدرآباد روڈ نہیں بن رہا۔

آر سی ڈی ہائی وے خستہ حالی سے متعلق کیس کی سماعت کے دوران چیف جسٹس گلزار احمد کا کہنا تھا کہ چترال گلگت روڈ پر صرف پتھر ہی پتھر ہیں، گاڑی چل ہی نہیں سکتی، جس پر چیئرمین این ایچ اے نے جواب دیا کہ چترال گلگت روڈ پر پہلے صوبائی حکومت کام کر رہی تھی، ایک سال پہلے چترال گلگت روڈ این ایچ اے کو دی گئی ہے۔

سندھ حکومت کے پاس ایک ہی منصوبہ ہے بد سے بدتر بناؤ، چیف جسٹس

سپریم کورٹ کراچی رجسٹری میں شاہراہ فیصل پر ٹاور کی تعمیر سے متعلق کیس کی سماعت میں چیف جسٹس نے ریمارکس دیئے کہ شاہراہ فیصل کے اطراف سروس روڈ انکروچمنٹ کیا گیا، کمشنر بھی کہہ رہے ہیں قبضہ ہے ، کنٹونمنٹ بورڈ حکام پر بھی برہمی کا اظہار کرتے ہوئے عدالت نے قرار دیاکہ نیول برج ، دہلی کالونی سے لے کر سب تعمیرات غیر قانونی ہیں، کنٹونمنٹ مقاصد کے لیے زمین نہیں چاہیے تو واپس کریں، سندھ حکومت کے پاس ایک ہی منصوبہ ہے بد سے بدتر بناؤ ۔

چیف جسٹس نے کہا کہ ہر سال ہائی ویز کی تزئین و آرائش پر اربوں روپے اخراجات دکھائے جاتے ہیں، این ایچ اے کوئی معیاری کام نہیں کر رہا ، سڑکوں پر پل اس وقت تک نہیں بنایا جاتا جب تک 5 سے 6 لوگ مر نہ جائیں۔

انہوں نے کہا کہ این ایچ اے کی ہائی ویز سے متعلق جمع کرائی گئی رپورٹ تسلی بخش نہیں، سڑکوں کی تعمیر اور تزئین و آرائش چیئرمین این ایچ اے کے بس کی بات نہیں۔

باپ کی جگہ بیٹے کو نوکری کا قانون عجیب ہے، چیف جسٹس

چیف جسٹس پاکستان گلزار احمد نے دورانِ سروس انتقال کرنے والے ملازمین کے بچوں کو نوکری دینے سے متعلق کیس کی سماعت کے دورن ریمارکس دیئے ہیں کہ باپ کی جگہ بیٹے کو نوکری دینے کا قانون ہی عجیب وغریب ہے، سرکاری دفاتر وراثت میں ملنے والی چیز تو نہیں ہیں۔

چیف جسٹس گلزار احمد نے مزید کہا کہ بیرون ملک سڑکوں پر لگے ریفلیکٹرز سے آنکھیں چندھیا جاتی ہیں، ہمارے ملک میں ریفلیکٹرز پر لال پیلا چونا لگادیا جاتا ہے، ہائی ویز کے ارد گرد کوئی درخت نہیں اگائے جاتے۔

سماعت کے دوران جسٹس مظہر عالم میاں خیل نے سوال کیا کہ این ایچ اے کے اخراجات اور آمدن کتنی ہے؟ سڑکوں پر تلاشی کے نام پر عوام کی تضحیک کی جاتی ہے۔

سپریم کورٹ نے ملک بھر کی ہائی ویز سے متعلق رپورٹس این ایچ اے سے طلب کرلیں۔

تازہ ترین