اسلام آباد میں ڈینگی کیسز ڈیڑھ ہزار سے بڑھ گئے

اسلام آباد میں گزشتہ 24 گھنٹوں میں ڈینگی کے  125  کیسز رپورٹ ہوئے ہیں جو کہ  اب تک کے سب سے زیادہ کیسز ہیں جس کے بعد دارالحکومت میں ڈینگی کےکُل کیسز 1528 ہوگئے۔

ڈسٹرکٹ ہیلتھ آفیسر ( ڈی ایچ او ) کا کہنا ہے کہ 24 گھنٹوں میں اسلام آباد کے دیہی علاقوں سے ڈینگی کے 78 کیسز سامنے آئے ہیں، ان علاقوں میں ابتک 1015 افراد میں ڈینگی کی تصدیق ہوچکی ہے۔

کراچی میں 24 گھنٹوں کے دوران ڈینگی وائرس کے 21 کیس رپورٹ

کراچی (اسٹاف رپورٹر) کراچی میں 24؍ گھنٹوں کے دوران...

ڈسٹرکٹ ہیلتھ آفیسر  کے مطابق 24 گھنٹوں میں اسلام آباد کے شہری علاقوں میں ڈینگی کے 47 کیسز سامنے آئے ہیں، ان علاقوں میں اب تک ڈینگی وائرس سے 513 افراد بیمار ہوچکے ہیں۔

دوسری جانب پنجاب میں ڈینگی کے مریضوں کی تعداد 5 ہزار کے قریب پہنچ گئی ہے۔ 

وزیر صحت پنجاب ڈاکٹر یاسمین راشد کا کہنا ہے کہ ڈینگی کے سب سے زیادہ کیسز لاہور میں سامنے آرہے ہیں، پنجاب کے نجی اسپتالوں میں ڈینگی مریضوں کے لیے پانچ ہزار بستر مختص کر دیے ہیں، پنجاب میں کورونا اور ڈینگی کا مقابلہ مربوط حکمت عملی سے کررہے ہیں۔

ڈینگی ہونے پر گھر پر علاج نہ کریں، یاسمین راشد

وزیر صحت پنجاب یاسمین راشد نے کہا ہے کہ ڈینگی ہونے پر گھر پر علاج کرنے کی غفلت نہ کریں، ڈینگی مریض کو فوری طور پر اسپتال منتقل کریں

علاوہ ازیں خیبرپختونخوا میں ڈینگی کے 179 نئے کیسز رپورٹ ہوئے ہیں جس کے بعد صوبے میں ڈینگی کے کُل کیسز کی تعداد 3 ہزار 300 ہوگئی۔