شوکت ترین کے وزیرِ خزانہ رہنے کا آج آخری دن

شوکت ترین کے وفاقی وزیرِ خزانہ کے عہدے پر رہنے کا آج آخری روز ہے۔

ذرائع نے بتایا ہے کہ وزیرِ خزانہ کے طور پر اس مدت میں مزید توسیع نہیں ہو سکتی، شوکت ترین کو بطور وزیرِ خزانہ آج ڈی نوٹیفائی کر دیا جائے گا۔

حکومت کا شوکت ترین کو مشیر بنانے کا فیصلہ

ذرائع کا کہنا ہے کہ ممبر پارلیمنٹ بنے بغیر 60 دن تک وزیر رہاجا سکتا ہے، اس مدت میں مزید توسیع نہیں ہوسکتی۔

ذرائع کا کہنا ہے کہ شوکت ترین کو مشیر بنانے کا فیصلہ وزیرِ اعظم سیکریٹریٹ کو آج ہی کرنا ہے۔

ذرائع نے مزید بتایا ہے کہ شوکت ترین کو مشیر بنانے اور بطور وزیرِ خزانہ ڈی نوٹیفائی کرنے سے متعلق کابینہ ڈویژن نے دونوں نوٹیفکیشنز تیار کر رکھے ہیں۔

وفاقی وزیر خزانہ شوکت ترین واشنگٹن پہنچ گئے

وزیر خزانہ شوکت ترین امریکا پہنچ گئے،جہاں وہ واشنگٹن ڈی سی میں پاک امریکا بزنس کونسل کی راؤنڈ ٹیبل میٹنگ میں شرکت کریں گے۔

ذرائع کا یہ بھی کہنا ہے کہ وزیرِ اعظم آفس کی جانب سے ہدایت کے بعد اس ضمن میں حتمی فیصلہ ہو گا۔