مختارِ کار کے گھر سے لاش برآمد، رپورٹ کمشنر کو پیش

حیدر آباد میں ڈپٹی کمشنر نے مختارِ کار ماجد خاصخیلی کے گھر میں ملازم عثمان کی لاش ملنے اور مشتعل افراد کے مختارِ کار کے گھر پر حملے کے واقعے کی ابتدائی رپورٹ کمشنر کو بھجوا دی۔

ڈپٹی کمشنر کے مطابق عثمان سومرو کی لاش ملنے پر مشتعل افراد نے ماجد خاصخیلی پر تشدد کیا۔

انہوں نے بتایا کہ مشتعل افراد نے ماجد خاصخیلی کے بھائی اور پولیس چیک پوسٹ کے انچارج پر بھی تشدد کیا۔

حیدر آباد: لاش ملنے پر مظاہرین کا حملہ مختارِ کار اور SHO زخمی

سندھ کے دوسرے بڑے شہر حیدر آباد کے علاقے قاسم آباد میں مختارِ کار ماجد خاصخیلی کے گھر سے لاش ملنے کے بعد ہنگامہ آرائی ہوئی ہے۔

ڈپٹی کمشنر نے مزید کہا ہے کہ حیدر آباد میں پولیس کو افرادی قوت سے لیس کرنے کی ضرورت ہے۔

ان کا یہ بھی کہنا ہے کہ واقعے کے بعد تمام اے سیز اور مختارِ کار کی سیکیورٹی بڑھائی جائے گی۔

واضح رہے کہ گزشتہ روز مختارِ کار ماجد خاصخیلی کے گھر سے ملازم عثمان کی لاش برآمد ہوئی تھی۔

لاش برآمد ہونے کے بعد مشتعل افراد نے مختارِ کار کے گھر پر حملہ کر دیا تھا۔

مختارِ کار کے گھر سے لاش برآمد، ایک اور FIR درج

حیدر آباد کے تھانہ قاسم آباد میں مختارِ کار ماجد خاصخیلی کے گھر سے ملازم کی لاش ملنے کے واقعے سے متعلق 1 اور ایف آئی آر درج کر لی گئی۔

فائرنگ اور ڈنڈوں سے حملوں کے نتیجے میں مختارِ کار ماجد خاصخیلی، ان کے 2 بھائی اور علاقہ ایس ایچ او زخمی ہو گئے تھے۔

زخمی مختارِ کار کو تشویش ناک حالت میں کراچی کے اسپتال منتقل کیا گیا تھا۔

مشتعل افراد نے سڑک بلاک کر دی تھی اور ٹائر بھی جلائے تھے، بعد میں پولیس کے ساتھ مذاکرات کے بعد مشتعل افراد منتشر ہو گئے تھے۔