• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غذائیت سے بھرپور بیج کونسے ہیں؟

بیج ضروری غذائی اجزاء کا پاور ہاؤس ہیں، آپ اپنی خوراک میں مختلف قسم کے بیج شامل کر سکتے ہیں، آپ کی خوراک میں بیج شامل کرنے سے آپ کے جسم کو متعدد ضروری غذائی اجزاء حاصل کرنے میں مدد مل سکتی ہے۔ آپ مختلف خوراکوں اور مشروبات میں تھوڑی مقدار میں بیج شامل سکتے ہیں۔ یہاں ماہرین اُن بیجوں کے بارے میں بتا رہے ہیں جو فائبر اور دیگر غذائی اجزاء سے بھرپور ہیں۔ یہ آپ کو متعدد صحت کے فوائد پیش کر سکتے ہیں۔

آئیے ان پر ایک نظر ڈالیں اور انہیں اپنی غذا میں شامل کرکے صحت سے متعلق بےشمار فوائد حاصل کریں۔

غذائیت سے بھرپور بیج:

تخم ملنگا:

تخم ملنگا کے بیج اومیگا 3 فیٹی ایسڈ، اینٹی آکسیڈینٹس، پروٹین اور زنک سے بھرپور ہوتے ہیں۔ یہ بیج آپ کو میگنیشیم، کیلشیم اور آئرن بھی پیش کر سکتے ہیں۔ آپ انہیں مختلف مشروبات اور دودھ میں شامل کرکے پی سکتے ہیں۔

کدو کے بیج:

کدو کے بیج فائبر سے بھرپور ہوتے ہیں، ان میں اومیگا 3، 9 ضروری امینو ایسڈ، پروٹین، پوٹاشیم، زنک، آئرن، میگنیشیم، سیلینیم، وٹامن ای، وٹامن کے اور بیٹا کیروٹین وافر مقدار میں موجود ہوتے ہیں۔ کدو کے بیجوں میں سوزش کی خصوصیات بھی ہوتی ہیں۔ آپ کدو کے بیجوں کو کچا یا بُھن کر اپنی غذا میں شامل کرسکتے ہیں۔

سورج مکھی کے بیج:

سورج مکھی کے بیج وٹامن ای، پروٹین، فائبر، فائٹو کیمیکل، سیلینیم، کاپر اور میگنیشیم کا اچھا ذریعہ ہیں۔ آپ روزانہ ایک مٹھی بھر کر سورج مکھی کے بیج کھاسکتے ہیں۔

تربوز کے بیج:

تربوز کے بیجوں میں فولیٹ، آئرن، زنک، تانبا، میگنیشیم اور پوٹاشیم وافر مقدار میں پائے جاتے ہیں۔ یہ بیج امینو ایسڈ، پروٹین اور بی کمپلیکس وٹامن سے بھی بھرپور ہوتے ہیں، یہ میٹابولزم کو تیز کرنے میں مدد کرتے ہیں۔

تِل کے بیج:

تِل کے بیج بھی ضروری غذائی اجزاء سے بھرپور ہوتے ہیں، تِل کا تیل لینولک اور اولیک ایسڈ سے بھی بھرپور ہوتا ہے، جو کولیسٹرول کو کم کرتا ہے۔ آپ تِل کا تیل بطور سلاد ڈریسنگ استعمال کرسکتے ہیں۔

صحت سے مزید