ایبٹ آباد(نمائندہ خصوصی) تھانہ مانگل کی حدود ترہانہ میں سسرال سے روٹھ کر میکے آنیوالی شادی شدہ خاتون کو سگے بھائی نے قتل کر دیا ۔ ملزم وقوعہ کے بعد فرار ہو گیا تھانہ مانگل نے مقدمہ درج کر کے تفتیش شروع کر دی ۔ اس حوالے سے ذرائع نے بتایا ہے کہ مقتولہ خاتون اپنے سسرال میں گھریلو جھگڑوں پر ناراض ہو کر میکے آ گئی جہاں اس کے بھائی فیصل حیات نے اس سے کہا کہ وہ اپنے شوہر سے طلاق حاصل کر لے ۔ خاتون کا کہنا تھا کہ وہ طلاق نہیں لے گی جس پر مشتعل ہو کر فیصل حیات نے اپنی سگی بہن( ن بی بی) کو فائرنگ کر کے قتل کر دیا اور خود فرار ہو گیا، مانگل پولیس نے مقتولہ کی نعش کو پوسٹ مارٹم کے بعد ورثا ء کے حوالے کر دیا جب کہ زیر دفعہ 302مقدمہ درج کر کے تفتیش شروع کر دی ۔