رواں برس چین میں ہونے والے جی ٹوئنٹی اجلاس سے قبل بیجنگ حکومت نے شریک ممالک سے مشتبہ دہشت گردوں اور تنظیموں کی فہرست کا مطالبہ کر دیا ہے۔
غیرملکی خبررساں ادارے کے مطابق چینی حکام نے بتایا کہ اس کا مقصد چینی شہر ہانگ ژْو میں اس اجلاس سے قبل سکیورٹی کی تیاریاں مکمل کرنا ہے، تاکہ کسی بھی قسم کی سیکیورٹی کوہاہی باقی نہ رہے۔
یہ سربراہی اجلاس اس سال ستمبر میں ہوگا، جس میں چینی صدر شی جن پنگ کے علاوہ امریکی صدر باراک اوباما اور دیگر عالمی رہنما اور عالمی تجارتی نمائندے بڑی تعداد میں شرکت کریں گے۔
ایک چینی اخبار میں شائع ہونے والے اپنے انٹرویو میں چین کے انسدادِ دہشت گردی کے محکمے کے ایک سینیئر عہدیدار نے بتایا کہ اس اعلیٰ سطحی اجلاس کے لیے سلامتی کے معاملے کو یقینی بنانے کے لیے شریک ممالک سے تعاون طلب کیا گیا ہے۔
فرمان الہی
نماز کے اوقات
