کینیڈین پاپ اسٹار جسٹن بیبر نے 2021 کےایم ٹی وی یورپ میوزک ایوارڈز میں سب سے زیادہ نامزدگیاں حاصل کی ہیں ۔
جسٹن بیبر کو 2021 کےایم ٹی وی یورپ میوزک ایوارڈ زمیں بشمول بہترین فنکار کی نامزدگی کے کُل آٹھ نامزدگیاں ملی ہیں ۔
بہترین پاپ کیٹیگری میں جسٹن بیبر کا مقابلہ ایڈ اور ڈوجا کیٹ سے ہو گا، جس میں بی ٹی ایس ، دعا لیپا ، اور اولیویا روڈریگو بھی شامل ہیں ۔
جسٹن بیبر کے پاس اپنے ’پیچز‘ ٹریک جس میں ڈینیئل سیزر اور گیوون جلوہ گر ہوئے ہیں ، کے لیے دو کیٹیگریز میں نامزدگی ہے ۔
گلوکار کا اس تقریب میں ایڈی شیران ، لیڈی گاگا ، لِل ناس ایکس ، اور دی ویکینڈ کے ساتھ انعام کے لیے مقابلہ ہوگا ، جو ہنگری کے پیپ لازلو بوڈاپسٹ اسپورترینا میں منعقد ہوگی۔
ستاروں سے بھرپور تقریب ایم ٹی وی یوکے پر اتوار 14 نومبر کو رات 8 بجے براہ راست نشر ہوگی۔