پارا چنار: قبائلی تصادم میں ہلاکتیں 8 ہو گئیں

October 24, 2021


خیبر پختون خوا کے ضلع کرم کے صدر مقام پارا چنار میں جنگلات کی لکڑی کاٹنے کے تنازع پر 2 قبائل کے درمیان تصادم دوسرے روز بھی جاری ہے جس کے نتیجے میں مزید 4 افراد جاں بحق ہو گئے۔

گزشتہ روز سے جاری تصادم میں اموات کی تعداد 8 ہو گئی ہے جبکہ 15 افراد زخمی ہوئے ہیں۔

پولیس کا کہنا ہے کہ قبائل کے درمیان فائر بندی کی بھر پور کوشش کی جا رہی ہے۔

گزشتہ روز جنگل سے لکڑی کی کٹائی کے دوران دونوں قبائل کے درمیان مسلح تصادم شروع ہوا تھا۔

فریقین میں فائر بندی کی کوشش کے دوران جرگہ ممبر بھی فائرنگ سے زخمی ہو گئے تھے۔