پاکستانی اسٹار فواد خان نے اپنی 40 ویں سالگرہ پر یاٹ پارٹی کا انعقاد کیا تھا، جس کی ویڈیوز اور تصاویر سوشل میڈیا پر وائرل ہوگئی ہیں۔
فواد خان نے اپنی 40 ویں سالگرہ دبئی میں اپنی فیملی اور دوستوں کے ساتھ منائی ہے۔
مختلف سوشل میڈیا پیجز پر فواد خان کی سالگرہ کی تقریب کی ویڈیوز وائرل ہورہی ہیں۔
ان ویڈیوز میں فواد خان کو اپنی اہلیہ صدف کے ہمراہ کیک کاٹتے ہوئےاور اپنے دوستوں کے لیے گانا گاتے ہوئے دیکھا جاسکتا ہے۔
فواد خان کی سالگرہ میں پاکستان شوبز انڈسٹری کی کئی مشہور شخصیات نے شرکت کی، جن میں گلوکار فیصل کپاڈیا، اداکار محب مرزا، اداکارہ صنم سعید اور دیگر نے شرکت کی۔
خیال رہے کہ اداکار فواد خان کی سالگرہ 29 نومبر کو تھی، لیکن یہ واضح نہیں ہے کہ ان کی سالگرہ منانے کے لیے یہ یاٹ پارٹی کب منعقد ہوئی۔