ممبئی (آئی این پی) بولی وڈ اداکارہ کرینہ کپور کی زمانہ طالب علمی کی تصاویر سوشل میڈیا پر وائرل ہوگئیں۔ بھارتی میڈیا رپورٹس کے مطابق ان دنوں کرینہ کپور مغربی بنگال کے علاقے کالمپونگ میں اپنی نئی فلم کی عکس بندی میں مصروف ہیں۔ فلم کی عکس بندی کے دوران، کرینہ کپور کی ملاقات اپنی اسکول کی ایک سہیلی سے ہوئی جنہوں نے اداکارہ کو ماضی یاد کرنے پر مجبور کردیا۔ ماضی کو یاد کرتے ہوئے کرینہ کپور نے فوٹو اینڈ ویڈیو شیئرنگ ایپ انسٹاگرام پر اپنے زمانہ طالب علمی کی چند تصاویر شیئر کی ہیں۔ تصاویر میں کرینہ کپور کو اپنی سہیلیوں کے ہمراہ اسکول کے یونیفارم میں دیکھا جاسکتا ہے۔کرینہ کپور کے مطابق، یہ تصاویر سال 1996 میں لی گئی تھیں، جب دہیرادوں کے ویلہیم اسکول کی طالبات نے راجستھان کا دورہ کیا تھا۔سوشل میڈیا صارفین کی جانب سے کرینہ کپور کی تصاویر کو بہت پسند کیا جارہا ہے۔ان تصاویر کے ساتھ انہوں نے اپنے بچپن کے دوست کے ساتھ حال کی ایک تصویر بھی شیئر کی ہے۔ انسٹاگرام پر تصاویر شیئر کرتے ہوئے اداکارہ نے لکھا کہ ایک فلم کی شوٹنگ کے لیے کلمپونگ گئی تھی، اسے خوبصورت خزانوں کے ساتھ چھوڑ کر، ہمارا پیشہ ہمارے سفر کے بہت سے پوائنٹس کو جوڑنے کا ایک شاندار طریقہ ہے، اس کے ساتھ ہی کرینہ نے تصاویر شیئر کرکے اپنے دوست کا شکریہ بھی ادا کیا ہے۔سوجوئے گھوش کی ہدایت کاری میں بننے والی قتل کی پراسرار فلم میں کرینہ کپور خان کے ساتھ جے دیپ اہلاوت اور وجے ورما جیسے اداکار بھی اہم کرداروں میں نظر آنے والے ہیں۔ یہ نیٹ فلکس اوریجنل فلم جئے شیوکرمانی اور اکشے پوری نے 12ویں اسٹریٹ انٹرٹینمنٹ اور ناردرن لائٹس فلمز کے ذریعے باؤنڈ اسکرپٹ اور کراس پکچرز کے اشتراک سے تیار کی ہے۔