شرجیل میمن کا پٹرولیم مصنوعات کی قیمتوں میں اضافے پر بیان

May 26, 2022

وزیر اطلاعات سندھ شرجیل میمن نے وفاقی حکومت کی جانب سے پٹرولیم مصنوعات کی قیمتوں میں اضافے پر بیان جاری کیا ہے۔

شرجیل میمن کا بیان میں کہنا ہے کہ پٹرول قیمتوں میں اضافے کے باجود منہگائی پر قابو رکھنے کی ہر ممکن کوشش کریں گے۔

وزیر اطلاعات سندھ نے مزید کہا کہ وزیراعلیٰ کے احکامات پر ضلعی انتظامیہ منہگائی کم کرنے کے اقدامات کرے گی۔

واضح رہے کہ وفاقی حکومت پٹرولیم مصنوعات کی قیمتوں میں 30 روپے فی لٹر اضافہ کردیا ہے، جس کا نفاذ آج رات 12 بجے سے ہوگا۔

مفتاح اسماعیل نے پریس کانفرنس کرتے ہوئے کہا کہ ایک لٹر پٹرول 179.86روپے، ڈیزل 174.15 روپے، لائٹ ڈیزل 148.31 روپے جبکہ مٹی کا تیل 155.56 روپےفی لٹر ہوگا۔