کراچی میں سخی حسن کے قریب پولیس مقابلے کے دوران شہری کی گولی لگنے سے موت ہونے پر پولیس کا کہنا ہے کہ واقعے کی انکوائری کی جارہی ہے۔
پولیس کے مطابق شہری کو شاپنگ سینٹر کے سامنے لوٹا جارہا تھا کہ پولیس مقابلہ ہوا، دو طرفہ فائرنگ میں ایک ڈاکو زخمی حالت میں گرفتار ہوا جبکہ ایک شہری بھی گولی لگنے سے زخمی ہوا۔ جس کے بعد طبی امداد کے لیے دونوں کو اسپتال منتقل کیا گیا تھا۔
پولیس کا کہنا ہے کہ اسپتال میں شہری اور ڈاکو دوران علاج دم توڑ گئے، جاں بحق شہری کی شناخت جہانگیر ملک کے نام سے ہوئی۔