پیپلز پارٹی کے چیئرمین بلاول بھٹو زرداری نے پیپلز بس سروس کا باقاعدہ افتتاح کر دیا۔
پیپلز بس سروس کے تحت کراچی میں 7 روٹس پر 240 بسیں چلائی جائیں گی۔
پہلے مرحلے میں بس سروس ملیر ماڈل کالونی سے ٹاور کے لیے شروع کی جا رہی ہے۔
خیال رہے کہ اس سے قبل صوبائی وزیر شرجیل انعام میمن نے ایک بیان میں کہا ہے کہ پیپلز بس سروس چلنا شروع ہو گئی ہے۔
انہوں نے مزید کہا کہ پیپلز بس سروس کا کرایہ 25 روپے سے 50 روپے تک ہو گا، فی الحال بس سروس ماڈل کالونی سے ٹاور تک چلے گی۔
شرجیل انعام میمن نے یہ بھی کہا ہے کہ پی پی شہر کو ترقی دینے کے لیے ہر وقت کوشاں ہے، ٹرانسپورٹرز پرانی بسوں کی جگہ نئی بسیں لائیں۔