یوکرینی فوج کا روس پر فاسفورس بم استعمال کرنے کا الزام

July 02, 2022

فوٹو: بشکریہ گوگل

یوکرینی فوج نے روس پر الزام لگاتے ہوئے کہا ہے کہ جزیرہ اسنیک پر روس فاسفورس بموں کا استعمال کررہا ہے۔

غیر ملکی خبر رساں ادارے کے مطابق یوکرینی فوج نے کہا کہ روسی فضائیہ کی جانب سے آج 2 بار جزیرہ اسنیک پر فاسفورس بم پھینکے گئے۔

یوکرینی فوج کا کہنا ہے کہ عالمی قانون کے تحت گنجان آباد والے علاقے میں فاسفورس بموں کے استعمال پر پابندی ہے۔

خبر ایجنسی کے مطابق جمعرات کو روس نے جذبہ خیرسگالی کے تحت بحیرہ اسود سے فوج کو واپس بلانے کا اعلان کیا تھا۔ فاسفورس بموں کا استعمال روس نے بحیرہ اسود سے اپنی فورسز کے انخلا کے اگلے ہی روز کیا۔

یوکرین کا کہنا ہے کہ روس کی جانب سے فاسفورس بموں کا استعمال فوجوں کو واپس بلانے کے اعلان کی نفی ہے۔