پاکستان ویمن کرکٹ ٹیم کی ابھرتی ہوئی اسٹار کھلاڑی فاطمہ ثنا کا ویسٹ انڈیز میں معاہدہ ہوگیا۔
20 سالہ فاسٹ بولر کا بارباڈوس رائلز سے معاہدہ ہوگیا، وہ ویمن کیریبئن پریمیئر لیگ (سی پی ایل) اور ویمن 6 ٹی ٹورنامنٹ کھیلیں گی۔
خیال رہے کہ ویمن 6 ٹی ٹورنامنٹ 24 سے 28 اگست تک ہوگا جبکہ خواتین کی کیریبئن پریمیئر لیگ 31 اگست سے 4 ستمبر تک ہوگی۔
فاطمہ ثنا غیرملکی آفیشل ٹی ٹوئنٹی لیگ کھیلنے والی دوسری پاکستانی ویمن کھلاڑی ہوں گی۔
ان سے سے قبل ندا ڈار نے آسٹریلیا میں بگ بیش لیگ کھیلی تھی۔